Հայաստանի փրկարարները ապրիլի 26-ին վերսկսել են հանրապետության տարբեր բնակավայրերում կորած երեք քաղաքացիների որոնումները: Ապրիլի 25-ին' ժամը 21.16-ին, տեղեկություն է ստացվել, որ Չիվա գյուղի բնակիչ՝ 1960թ. ծնված Վ. Պ.-ը գնացել է դաշտ՝ աշխատանքի և չի վերադարձել: Դեպքի վայր է մեկնել հրշեջ-փրկարարական ջոկատի օպերատիվ խ ումբը: Որոնողափրկարարաական աշխատանքները դադարեցվել են անբարենպաստ եղանակի և վատ տեսանելիության պատճառով: Ապրիլի 26-ին ժամը 09.10-ին որոնողափրկարարական աշխատանքները վերսկսվել են:

Ապրիլի 25-ին' ժամը 20.45-ին, ահազանգ է ստացվել, որ Արարատի մարզի Նարեկ գյուղի Միկոյան փողոցի տներից մեկի հոգեպես անհավասարակշիռ բնակիչ Տ. Ք.-ը (ծնվ.1980թ.) դուրս է եկել տանից՝ թողնելով հագուստը տան մոտակայքում, և չի վերադարձել: Դեպքի վայր է մեկնել մարզային փրկարարական ջոկատի և հրշեջ-փրկարարական ջոկատի օպերատիվ խմբերը: Ժամը 23.30-ին որոնողափրկարարաական աշխատանքները դադարեցվել են անբարենպաստ եղանակի և վատ տեսանելիության պատճառով: Ապրիլի 26-ի ժամը 07.52-ին որոնողափրկարարական աշխատանքները վերսկսվել են:

Ապրիլի 25-ին' ժամը 10.36-ին, ահազանգ է ստացվել, որ Լոռու մարզի Ստեփանավան քաղաքի բնակիչ՝ 1937 թ. ծնված Վ. Մ.-ը ապրիլի 21-ին դուրս է եկել տանից և չի վերադարձել, վերջին անգամ նրան տեսել են Սվերդլով գյուղում. անհրաժեշտ է փրկարարների օգնությունը: Դեպքի վայր են մեկնել 5 հրշեջ-փրկարար և «Լոռե» հասարակական փրկարարական ջոկատից 4 փրկարար: Ժամը 19.30-ին որոնողափրկարարաական աշխատանքները դադարեցվել են անբարենպաստ եղանակի և վատ տեսանելիության պատճառով: Ապրիլի 26-ին ժամը 09.20-ին որոնողափրկարարական աշխատանքները վերսկսվել են:

ԱԻՆ-ը խոստանում է երեք դեպքերի առնչությամբ էլ տրամադրել լրացուցիչ տեղեկություն: