Մինչ այն պահը, երբ Գագիկ Ծառուկյանն ու Լևոն Տեր-Պետրոսյանը չէին հայտարարել իրենց չառաջադրվելու մասին եւ շարունակվում էին քաղաքական խորհրդատվությունները երկրի կառավարման համակարգի վերափոխումների շուրջ, ՀՅԴ-ն համառորեն առաջարկում էր նախագահի թեկնածու առաջադրել ոչ թե հեղինակավոր քաղաքական գործչի, այլ չեզոք բժշկի: Որքան մեծանում էր ՀԱԿ-ի եւ ԲՀԿ-ի ներկայացուցիչների զարմանքը, այնքան Հրանտ Մարգարյանն ավելի մեծ ջանասիրությամբ էր պնդում իրենց առաջարկը:
Ակնհայտ է, որ լուրջ ուժերի համար ընդունելի չէր կարող լինել այս գաղափարը: Մյուս կողմից, ակնհայտ էր, որ առանց հստակ շահի եւ նպատակի ՀՅԴ ղեկավարները չէին աշխատի այս ուղղությամբ: Հիմա, երբ Հրանտ Մարգարյանի եւ ՀՅԴ վերնախավի եւս մի քանի հոգու խաղը բացահայտվել է, հասկանալի է դառնում նաև “Բժիշկ” օպերացիայի իմաստը: Նախ, վիժեցնել լայն կոնսոլիդացիայի գաղափարը, իսկ վատագույն դեպքում' ունենալ միասնական ֆեյք: Մեր ունեցած տվյալներով, անհայտ բժիշկը պետք է լիներ Առողջապահության նախկին նախարար Նորայր Դավիդյանը , որը նախարար աշխատած ժամանակահատվածում բացի անինքնուրույնությունից որևէ բանով այդպես էլ աչքի չընկավ:
Այսինքն կունենայինք այսօրվա ողբերգական պատկերը' բագրատյաններ, րաֆֆիներ, անդրեասներ, էպոսագետներ եւ միասնական ֆելդշեր:
