Ռուսաստանի արտաքին գործերի նախարարության, ՌԴ Վիեննայի ՄԱԿ-ի կառույցներում մշտական ներկայացուցչության և Միջուկային Էներգիայի Պետական Բաժնետիրություն «Ռոսատոմ» ընկերության հրավերով հունիսի 23-26-ը ԱԷՄԳ-ում հավատարմագրված մշտական ներկայացուցիչներն այցելել ն ՌԴ Մուրմանսկ քաղաքում գտնվող Կոլայի ատոմակայան:
Պատվիրակության կազմում էին ՀՀ մշտական ներկայացուցիչ, դեսպան Արման Կիրակոսյանը, ՌԴ, Վիետնամի, Ճապոնիայի, Չինաստանի, Հնդկաստանի, Պակիստանի, Եգիպտոսի, Սինգապուրի, Քուվեյթի, Ալժիրի, Հարավային Աֆրիկայի, Նիկարագուայի, Հորդանանի դեսպանները, ԱԷՄԳ Միջուկային Էներգիայի հարցերով Գլխավոր տնօրենի տեղակալը, Ուրանի հարստացման միջազգային կենտրոնի գլխավոր տնօրենը, «Ռոսատոմ» ընկերության գլխավոր տնօրենի խոհրդականը, միջուկային էներգետիկայի հարցերով խորհրդատուներ և մի շարք այլ երկրների փոր ձագետներ:
Այցի նպատակներ էր Կոլայի ատոմակայանի շահագործման ռուսական ժամանակակից տեխնոլոգիաների և սարքավորումների հետ ծանոթացումը և խաղաղ նպատակներ հետապնդող միջուկային էներգետիկայի օգտագործման բնագավառում համագործակցությունը:
Այցի շրջանակներում տեղի ունեցած խորհրդակցության քննարկումների առարկան էր ատոմային բնագավառում միջազգային համագործակցությունը, ռուսական նախագծով ատոմակայնների շահագործման և սարքավորման փորձը, ինչպես նաև անվտանգության համակարգերը և ռուսական կայանների վերազինումը նոր սարքավորումներով, որոնք մշակվել և իրականացվել էին հատուկ միջոցառումների շրջանակներում' Ֆուկուշիմայի կայանում տեղի ունեցած պատահարից հետո:
Պատվիրակությունն այցելել է նաև ռադիոակտիվ թափոնների մշակման «ՌոսՌաո» ձեռնարկության հյուսիսարևմտյան տարածաշրջանային կենտրոնի «Սաիդա-Գուբա» ստորաբաժանում, ինչպես նաև «Ատոմֆլոտ» սառցահատ ատոմային նավատորմի կայան:
