ԱՄՆ պետքարտուղար Ջոն Քերրին, Իրանի արտգործնախարար Ջավադ Զարիֆը և Եվրոպական միության արտաքին քաղաքականության հարցերով բարձր ներկայացուցիչ Քեթրին Էշթոնը երեքշաբթի երեկոյան եռակողմ հանդիպում կանցկացնեն: Այդ մասին «Ռիա-նովոստի»-ին տեղեկացրել է իր դիվանագիտական աղբյուրը:
«Անհրաժեշտ է եռակողմ հանդիպում անցկացնել, որպեսզի ճշգրտվեն դիրքորոշումները»,- «Արմենպրես»-ի փոխանցմամբ' նշել է աղբյուրը:
Ավելի վաղ' երկուշաբթի, Իրանի ԱԳ նախարար Զարիֆը և Պետքարտուղար Քերրին մի քանի ժամ տևած հանդիպման ընթացքում քննարկել են իրանական միջուկային ծրագրի համապարփակ համաձայնագիրը: Ինչպես հայտարարել են երկու նախարարները, բանակցությունները դժվար են եղել, միաժամանակ իրանական կողմն ընդգծել է, որ առանձին ասպեկտներով առաջընթաց չի արձանագրվել:
