Մադրիդի «Ռեալը» պաշտոնապես հաստատեց Գերմանիայի ազգային հավաքականի և Մյունխենի «Բավարիայի» կիսապաշտպան Տոնի Կրոսին ձեռք բերելու մասին:
Ինչպես տեղեկացնում է մյունխենյան ակումբի պաշտոնական կայքը, տրանսֆերի արժեքի մասին չի բարձրաձայնվում:
Ոչ պաշտոնական տվյալներով՝ մադրիդցիները 24-ամյա ֆուտբոլիստի տրանսֆերի համար կվճարեն 30 մլն եվրո:
Հինգշաբթի օրը բուժզննումից հետո ֆուտբոլիստը կկնքի 6 տարվա պայմանագիր:
Կրոսի աշխատավարձը տարեկան կկազմի 6 մլն եվրո:
Ֆուտբոլիստը պաշտոնապես կներկայացվի այսօր երեկոյան «Սանտիագո Բերնաբեու» մարզադաշտում:
