«Ստոք Սիթիի» նորեկ Բոյան Կրկիչը՝ պատասխանելով ակումբի երկրպագուների հարցերին, անդրադարձել է նաև Լիոնել Մեսսիին, Կրիշտիանու Ռոնալդուին և իր՝ 27 համարին:
«27 համարն իմ առաջինն էր «Բարսայում»: «Ստոք Սիթիում» կսկսեմ նոր ժամանակաշրջան և կսկսեմ նորից 27 համարից»,- ասել է ֆուտբոլիստը:
Պատասխանելով այն հարցին՝ ո՞վ է ավելի լավը՝ Մեսսին, թե Ռոնալդուն, Կրկիչը նշել է.
«Կարծում եմ՝ Մեսսին ավելի ուժեղ ֆուտբոլիստ է: Նա անընդհատ գոլային պահեր է ստեղծում»,- ֆուտբոլիստի խոսքը մեջբերում է ակումբի պաշտոնական կայքը:
