ԱՄՆ-ը կոալիցիա է ստեղծում դաշնակից երկրների հետ' «Իրաքի և Լևանտի իսլամական պետության» (ԻԼԻՊ) դեմ պայքարելու համար:
Ավելի վաղ Իրաքի Նախագահ Ֆուադ Մաասումը նշել է, որ Իրաքին անհրաժեշտ է միջազգային հանրության օգնությունը' ԻԼԻՊ-ի դեմ պայքարելու համար: «Եթե ԻԼԻՊ-ը հաղթի Իրաքում, իսլամիստական կազմակերպությունը կարող է տարածվել այլ երկրներում»,- ասել է Իրաքի Նախագահը՝ հավելելով, որ իր երկիրը հաջողության կարող է հասնել ԱՄՆ-ի և հարևան երկրների հետ համագործակցության արդյունքում:
Ֆուադ Մաասումը նշել է, որ իրենք դեռ չեն դիմել ՆԱՏՕ-ի օգնությանը, սակայն օգնության խնդրանքով դիմել են Դաշինքի առանձին անդամներին: «Մեզ անհրաժեշտ է ժամանակակից զենք և մասնագետների օգնություն, իսկ ռազմական գործողություններն ԻԼԻՊ-ի դեմ կարող ենք կազմակերպել ինքնուրույն»,- ընդգծել է նա:
