Հունիսի 8-ից մինչև 12-ը ՅՈՒՆԵՍԿՕ-ի Փարիզի կենտրոնակայանում տեղի է ունենում «Մարդը և կենսոլորտը» ծրագրի միջազգային համակարգող խորհրդի հերթական նստաշրջանը, որտեղ պլանավորվում է քննարկել ՅՈՒՆԵՍԿՕ-ի համաշխարհային ցանց նոր կենսոլորտային արգելոցների ներառման առաջարկությունները:

ՅՈՒՆԵՍԿՕ-ի «Մարդը և կենսոլորտը» ծրագիրը միավորում է առանձնապես պահպանվող բնական տարածքները և ընդգրկում է ամենաբազմազան էկոհամակարգեր. ափամերձ գոտիներից և կղզիներից մինչև լեռնային շրջաններ, ջրա-ճահճային հանդակներ, արևադարձային անտառներ և չորային գոտիներ: Այս պահին Կենսոլորտային արգելոցների համաշխարհային ցանցում արդեն ներառված են ավելի քան 630 օբյեկտներ, որոնք գտնվում են 119 երկրներում, հաղորդել է ՏԱՍՍ-ը: