Վրաստանի ներքին գործերի նախարարության ղեկավար է նշանակվել Գեորգի Մղեբրիշվիլին, ով ավելի վաղ զբաղեցնում էր պատիժների իրագործման և պրոբացիայի նախարարի պաշտոնը:
Այս մասին, ինչպես հաղորդում է «Արմենպրես»-ը, հաղորդում է «Գրուզիա Online» լրատվական գործակալությունը, լրագրողներին հայտարարել է Վրաստանի վարչապետ Իրակլի Ղարիբաշվիլին:
Վարչապետն ասել է, որ «Գեորգի Մղեբրիշվիլին պատիժների իրագործման և պրոբացիայի լավ նախարար է եղել, նա նախարարությունում հաջող բարեփոխումներ է իրականացրել»:
«Վստահ եմ, որ Գեորգի Մղեբրիշվիլին արդյունավետ կաշխատի ՆԳՆ ղեկավարի պաշտոնում»,- նշել է Ղարիբաշվիլին: