Փետրվարի 28-ին, ժամը 16:49-ին ահազանգ է ստացվել, որ Վայոց ձորի մարզի Վայք քաղաքի Ջերմուկի խճուղու թիվ 11 շենքի բնակարաններից մեկի պատշգամբը մասնակի փլուզվել է, տուժածներ չկան. անհրաժեշտ է օգնություն:
Ինչպես տեղեկանում ենք ԱԻՆ պաշտոնական կայքից, դեպքի վայր է մեկնել հրշեջ փրկարարական ջոկատի օպերատիվ խումբը:
Պարզվել է, որ Ջերմուկի խճուղի 11 շենքի 4-րդ հարկի բնակարաններից մեկի պատշգամբը ամբողջությամբ փլուզվել է (2.5 քմ) և ընկել 3-րդ հարկի բնակարաններից մեկի պատշգամբի վրա:
Փրկարարները սահմանազատել են տարածքը:
Բետոնյա կառուցատարերը հեռացնելու համար անհրաժեշտ է հատուկ տեխնիկա:
