ՄԱԿ-ի Անվտանգության խորհուրդը սեպտեմբերի 20-ին խաղաղապահ գործունեության արդյունավետության բարձրացմանն առնչվող բանաձև է ընդունել: Ինչպես հայտնում է ՏԱՍՍ-ը, փաստաթղթին կողմ են քվեարկել Անվտանգության խորհրդի բոլոր 15 անդամները:
Փաստաթղթում շեշտվում է խաղաղապահ առաքելությունների առավել մանրամասն ծրագրման անհրաժեշտությունը: Այս բարեփոխումներն ընդգրկված են գլխավոր քարտուղար Անտոնիո Գուտերեշի կողմից մշակված ՄԱԿ-ի ընդհանուր բարեփոխումների ծրագրի շրջանակներում:
Գլխավոր քարտուղարն ընդգծել է, որ բարեփոխումներն ուղղված են խաղաղապահ առաքելությունների և քաղաքական կարգավորման ռազմավարությունների միջև կապը ամրապնդելուն:
