lragir.am Գլխավոր դատախազի թեկնածու Գեւորգ Կոստանյանը, ում թեկնածությունը Սերժ Սարգսյանը ներկայացրել է ԱԺ-ին եւ ով հանդիպել է խմբակցությունների հետ, լրագրողներին ասել է, որ ինքը չի պատրաստվում ոչ մի դուռ համբուրել: Աղվան Հովսեփյանին ուղղված ակնարկը նկատելի է: Գեւորգ Կոստանյանն ուզում է ցույց տալ, թե ինքն Աղվան Հովսեփյան չի լինելու: Օրինակ, խորհրդարանական ընդդիմություն հանդիսացող ՀԱԿ խմբակցության ղեկավար Լեւոն Զուրաբյանին Կոստանյանը համոզել է, որ ավելի լավն է, քան Աղվան Հովսեփյանը:
Բայց, նախկին գլխավոր դատախազ Աղվան Հովսեփյանն էլ իր պաշտոնավարման ընթացքում որեւէ դուռ չի համբուրել: Նա դուռը համբուրել է պաշտոնավարման ավարտին, հրաժեշտից առաջ, որովհետեւ դրանից ավելի նշանակալից որեւէ բան հանրային կյանքում չէր թողել պաշտոնավարման ընթացքում: Օրինակ, եթե գլխավոր դատախազը կոռուպցիայի, կաշառակերության, հովանավորչության, նաեւ քաղաքացիների հանդեպ բռնության եւ պետական մակարդակով իրականացված մարտի 1-ի սպանությունների հետ կապված գործերի կապակցությամբ որեւէ արժեքավոր հետք թողներ, ապա հրաժեշտից առաջ դուռը համբուրելու կարիք չէր լինի՝ հասարակությունը կհամբուրեր Աղվան Հովսեփյանին, նրա ծառայության համար:
Այնպես որ, դուռը համբուրելն իրավիճակային որոշում է: Ոչ ոք վեց տարի առաջ չի որոշում, որ վեց տարի անց համբուրելու է դուռը: Վեց տարի անց իրավիճակն է կայացնում այդ որոշումը, որին մնում է միայն ենթարկվել: Այնպես որ, Գեւորգ Կոստանյանի համբույրները կախված կլինեն նրա աշխատանքի հանրային ՕԳԳ-ից:
Իսկ նրա աշխատանքի առումով ստեղծվում է բավական հետաքրքիր իրավիճակ, ընդ որում ամբողջ իշխանական համակարգի համար: ՀՀԿ-ական Գալուստ Սահակյանը Ազատություն ռադիոկայանին ասել էր, որ ամենայն հավանականությամբ Աղվան Հովսեփյանն էլ կգլխավորի նոր ստեղծվելիք Միասնական քննչական կառույցը: Այն, ինչպես հայտնի է, լինելու է քննչական գերկառույց: Աղվան Հովսեփյանը ներկայում գլխավորում է դրա իրավական հիմքերը պատրաստող հանձնաժողովը:
Ինչպիսին է լինելու Գլխավոր դատախազության եւ Միասնական քննչական կառույցի հարաբերությունը: Անկասկած է, որ Աղվան Հովսեփյանն իր համակարգային ազդեցությամբ զգալիորեն, անհամեմատ առաջ է Գեւորգ Կոստանյանից: Փաստացի ստացվում է, որ խախտվում են պարամետրերը՝ Միասնական քննչական կառույցը գլխավորելու է ավելի հեղինակավոր անձ՝ համակարգային իմաստով, քան Գլխավոր դատախազությունը:
Այսինքն, խախտվելու է դե յուրե եւ դե ֆակտո հարաբերակցությունը: Հայաստանում իհարկե առաջին անգամ չէ, որ այդպիսի իրավիճակ է լինում: Օրինակ, պաշտպանության նախարարները կամ ներքին գործերի նախարարները Հայաստանում հաճախ ավելի ազդեցիկ են եղել, քան տվյալ ժամանակի վարչապետները: Հակասահմանադրական մեխանիզմներով ձեւավորվող եւ կառավարվող համակարգերում դա միանգամայն օրինաչափ իրողություն է, որովհետեւ դե ֆակտո հիերարխիան կառուցվում է Սահմանադրությունից դուրս տրամաբանությամբ:
Փաստացի ստացվում է, որ նվազելու է Գլխավոր դատախազության դերակատարությունը, եթե իհարկե Սերժ Սարգսյանը Գեւորգ Կոստանյանի միջոցով անձամբ չստանձնի Գլխավոր դատախազի լիազորությունը: Չի բացառվում, որ հենց այդ պատճառով էլ տեղի է ունենում կադրային այս ժանգլյորությունը: Աղվան Հովսեփյանի դեպքում Սերժ Սարգսյանին հավանաբար դժվար էր անվերապահ թելադրանքի տակ վերցնել Գլխավոր դատախազությունը, քանի որ Հովսեփյանը համակարգում ազդեցիկ մարդ էր, իսկ այդ դեպքերում առաջանում է փոխզիջումների կարիք:
Կոստանյանը փաստացի դառնում է լիովին Սերժ Սարգսյանի «կադրը», հետեւաբար դատախազությունը նա վերցնում է լիակատար հսկողության տակ: Այդ դեպքում առաջանում է միասնական քննչականի վերահսկելիության հարցը: Չէ որ այնտեղ Աղվան Հովսեփյանն է: Ըստ ամենայնի, Սերժ Սարգսյանն այդ առաջարկով Հովսեփյանին պարզապես գցել է ծուղակը:
Բանն այն է, որ ինչքան էլ համակարգում հարաբերություններն ու հիերարխիան կարգավորվեն հակասահմանադրական պայմանավորվածությունների եւ սկզբունքների հիման վրա, այդուհանդերձ Սահմանադրությունը գոնե օժանդակ դեր կատարում է: Փաստացի, եթե իրավիճակը դիտարկում ենք Գեւորգ Կոստանյան-Աղվան Հովսեփյան տիրույթում, ապա տեղի է ունենում դե ֆակտո իրավիճակի եւ Սահմանադրական իրավիճակի տարամիտում: Բայց երբ դիտարկում ենք խնդիրը Սերժ Սարգսյան-Աղվան Հովսեփյան տիրույթում, ապա Սերժ Սարգսյանը սահմանադրական լծակներով ուժեղացնում է համակարգի վրա իր վերահսկողությունը:
Իհարկե, այդ ամենն առավելապես արձանագրային առումով, որովհետեւ հետագա գործընթացը կախված է բազմաթիվ այլ գործոններից: Խնդիրն ընդամենն այն է, թե համակարգում ով ինչպես է օգտագործելու դե ֆակտո ստեղծվող իրավիճակը դե յուրե հարաբերակցության նոր շրջանակներում:
Ով ավելի շուտ կհայտնվի ծուղակում
12:41 - 28.Սեպտեմբեր.2013
Առաջարկում ենք նաև
28/09/13 19:18
Ով ավելի շուտ կհայտնվի ծուղակում
27/09/19 10:30
Ավելի շուտ Արաքսը կփոխի իր հունը և կթափվի Սև ծով, քան Արցախը կհայտնվի Ադրբեջանի կազմում․ Էդուարդ Շարմազանով
04/08/23 11:10
Ե՞րբ նոր iPhone 15-ը կհայտնվի վաճառքում
12/04/21 11:41
Թե ինչու պատերազմն ավելի շուտ չկանգնեցվեց
12/02/21 14:50
Սերժ Սարգսյանն ավելի շուտ պետք է խոսեր․ նա խոսելու է Արցախյան թեմայի մասին․ Շարմազանով (տեսանյութ)
16/12/20 15:30
Արդյոք հնարավոր էր պատերազմը ավելի շուտ դադարեցնել․ Արայիկ Հարությունյանի պարզաբանումը
14/08/20 19:04
«Եթե Սերժն ու Քոչարյանը չեն նստելու ավելի շուտ, քան Ծռերին կնստացնեք, հաջորդը դուք եք նստելու». Վաղինակ Շուշանյան
19/05/19 12:03
Դուք ավելի շուտ ձեր ծոծրակները կտեսնեք, քան «անցումային արդարադատությունը»․ Ռուբեն Մելիքյան
Ամենադիտված
Լրահոս
08:53
«Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ
08:48
«Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ
08:31
«Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում
23:17
Ամենայն Հայոց Կաթողիկոսը հոգևորականներին պատգամել է հայ ժողովրդին ուղղորդել ճշմարտության ճանապարհով
23:00
Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով
20:20
10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար
18:22
Կոկաինի տակ եմ եղել. մասիսցի ուսուցչուհին ատելություն է դրսևորել արցախցիների նկատմամբ (տեսանյութ)
16:24
Ադրբեջանից կներկրվի գազը, Թուրքմենստանից, թե Եգիպտոսից, միևնույն է՝ երկրի ներսում սակագնային քաղաքականություն թելադրողը հենց «Գազպրոմն» է լինելու․ Դավ...
14:00
Ադրբեջանից Նախիջևան կապը պետք է ապահովվի միջազգային վերահսկողությամբ` ՌԴ սահմանապահներով. Ալիև
13:20
Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան
11:55
Ասում են թշվառի կինը գնացքով Գյումրի է գալիս, ժամը 11։00-ին կլինի կայարանում. իրավապշտպան Կարապետ Պողոսյան
09:53
«Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. ...
09:20
«Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ
09:10
«Եթե ուզում ես հարցին քաղաքական լուծում տալ, ուրեմն քայլերն էլ պետք է քաղաքական լինեն». «Փաստ»
08:35
Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ»
23:35
Մենք պետք է պատրաստվենք միասնական պայքարի` հանուն Հայրենիքի փրկության և հզորացման. «Միասնություն» համազգային շարժում