Վերջին շրջանում Ադրբեջանն արհեստականորեն մեծացնում է լարվածությունը Նախիջևանի հետ ՀՀ սահմանին: Նախորդ ամիսներին ադրբեջանական կողմը մի շարք դիվերսիաներ է կազմակերպել հայ-ադրբեջանական սահմանի այդ հատվածում, ինչպես նաև մեծ թվով կրակոցներ արձակել:
Ռազմական լարվածության գագաթնակետը դարձավ ՀՀ զինված ուժերի կողմից կարևոր դիրքերի գրավումը, ինչից հետո երկար ժամանակ թշնամին «լռել էր»:
Lurer.com-ի տեղեկություններով, սակայն, Ադրբեջանը զգալիորեն ավելացրել է իր զինուժի քանակը Նախիջևանում: Արդյոք դա պայմանավորված է մեր զինվորների հաղթանակած գործողություններով, թե ռազմաքաղաքական իրադրության փոփոխությամբ, ցույց կտա ժամանակը:
