ԱՄՆ-ը և Ռուսաստանը պայմանավորվել են փոխանակվել տեղեկատվությամբ և շարունակել երկխոսությունն Ուկրաինայում ստեղծված իրավիճակի շուրջ: «ՌԻԱ- նովոստի»-ի փոխանցմամբ' այդ մասին հայտարարել է ԱՄՆ պետքարտուղար Ջոն Քերրին: «Մենք որոշ անհամաձայնություններ ունենք Ուկրաինայի հարցով: Պայմանավորվել ենք փոխանակվել տեղեկատվությամբ դրա շուրջ: Նաև համաձայնության եք եկել, որ այդ երկխոսությունը կշարունակվի»,- «Արմենպրես»-ի հաղորդմամբ' ասել է Քերրին' մեկնաբանելով ՌԴ արտաքին գործերի նախարար Սերգեյ Լավրովի հետ բանակցությունների արդյունքները:
ԱՄՆ պետքարտուղարը հույս է հայտնել, որ Ուկրաինայի հարցով Մինսկի պայմանավորվածությունները կիրականացվեն:
Ավելի վաղ Լավրովը հայտարարել էր, որ Մոսկվան ու Վաշինգտոնը կփորձեն համոզել Ուկրաինայի իշխանություններին իրականացնել ժնևյան պարտավորությունները' Դոնբասում հակամարտության լարվածության թուլացման հարցում:
