ՆԱՏՕ-ի գլխավոր քարտուղարի տեղակալ Ալեքսանդր Վերշբոուն հույս Է հայտնել, որ Վրաստանի հետ համատեղ վարժական կենտրոնը կսկսի գործել ընթացիկ տարվա վերջին, եւ նշել Է, որ վարժանքներին կարող են մասնակցել ոչ միայն դաշինքի անդամները, այլեւ նրա բոլոր գործընկեր երկրներն ու դաշնակիցները, տեղեկացնում Է «Արմենպրես»-ը՝ հղում անելով «Նովոստի Գրուզիա»-ին:
Վերշբոուն հունվարի 29-ին երկօրյա այցով ժամանել Է Թբիլիսի: Այցի գլխավոր նպատակը ՆԱՏՕ-Վրաստան գործակցության փաթեթի իրագործման մոնիթորինգն Է:
«ՆԱՏՕ-ն եւ Վրաստանը համակարծիք են, որ կենտրոնը պետք Է սկսի գործել տարեվերջին, ինչը Վրաստանին հնարավորություն կտա ուժեղացնել պաշտպանական անվտանգության սեկտորը: Կենտրոնը բաց կլինի նաեւ ՆԱՏՕ-ի մյուս դաշնակիցների ու գործընկերների համար, քանի որ Վրաստանի աշխարհագրությունը եւ զինված ուժերի բարձր մակարդակը համատեղ եզակի հնարավորություններ են ստեղծում մեծաթիվ խմբերի վարժանքներ անցկացնելու համար»,-հայտարարել Է Վերշբոուն Վրաստանի վարչապետ Իրակլի Ղարիբաշվիլիի հետ Թբիլիսիում համատեղ անցկացված բրիֆինգի ժամանակ:
