ՄԱԿ-ի մարդու իրավունքների խորհրդի 28-րդ նստաշրջանում քննադատության է ենթարկվել Ադրբեջանում մարդու իրավունքների հետ կապված աղետալի իրավիճակը:
Այս մասին, ինչպես հաղորդում է «Արմենպրես»-ը, հայտնել է «Ազատություն» ռադիոկայանը:
Նստաշրջանում ելույթ են ունեցել մեծ թվով իրավապաշտպաններ, որոնք ներկաներին հիշեցրել են Ադրբեջանում շինծու մեղադրանքներով կալանքի տակ պահվող Լեյլա Յունուսի եւ Ինթիգամ Ալիեւի մասին:
Ադրբեջանում մարդու իրավունքների ոտնահարումները քննադատության էր ենթարկվել ՄԱԿ-ի հիշյալ խորհրդի նախորդ նստաշրջանում եւս:
