ԱՄՆ-ի Սենատը հավանություն է տվել Ուկրաինային ռազմական օգնություն տրամադրելուն: Նոր բյուջեի փոփոխությունը նախատեսում է ռազմական տեխնիկայի, հրազենի, հրթիռային արկերի և հակատանկային համակարգերի մատակարարումը Կիևին: Փաստաթղթի համաձայն՝ այդ կարիքների համար կտրամադրվի 300 մլն դոլար: Օրինագծի օգտին քվեարկել է 71 սենատոր:

Սպիտակ տունը բազմիցս դեմ է արտահայտվել Ուկրաինային մահաբեր զենք մատակարարելուն: Օբամայի վարչակազմն արդեն սպառնացել է վետո սահմանել օրինագծի դեմ, հաղորդում է «Россия 24» հեռուստաալիքը: