Անցած շաբաթվա ընթացքում՝ օգոստոսի 3-ից մինչեւ 9-ը, Արեւմտյան Աֆրիկայում գրանցվել Է Էբոլա վիրուսի հարուցած հիվանդության ընդամենը երեք նոր դեպք՝ երկուսը՝ Գվինեայում եւ մեկը՝ Սիեռա Լեոնեում: Այդ մասին, ինչպես տեղեկացնում Է «Արմենպրես»-ը, ասված Է ՄԱԿ-ի՝ հումանիտար հարցերի համակարգման վարչության (ՀՀՀՎ)՝ օգոստոսի 12-ին Ժնեւում հրապարակված զեկույցում, որը պատրաստվել Է Առողջապահության համաշխարհային կազ մակերպության (ԱՀԿ) մասնագետների հետ համագործակցությամբ:
«Արդեն երրորդ շաբաթն անընդմեջ նոր դեպքերի թիվը հաշվվում Է միանիշ թվերով»,-նշվում Է փաստաթղթում:
Ներկայում փորձագետները Գվինեայում եւ Սիեռա Լեոնեում հետեւում են հիվանդների հետ 1,5 հազարից ավելի առողջ մարդկանց շփմանը, որպեսզի հնարավոր լինի անհապաղ որոշել վարակի տարածման հնարավոր ուղիները եւ միջոցներ ձեռնարկվեն: Լիբերիայում անցած շաբաթվա ընթացքում Էբոլայով հիվանդացած չի հայտնաբերվել: Հիվանդների հետ առողջ մարդկանց վերջին 18 շփումներին այս երկրում մասնագետները դադարել են հետեւել օգոստոսի 3-ից, քանի որ լրացել Է ինտենսիվ դիտարկման 21-օրյա ժամանակաշրջանը, եւ հիվանդության նոր դեպքեր չեն գրանցվել, ասված Է ՀՀՀՎ-ի զեկույցում:
Օգոստոսի 11-ին ԱՀԿ-ի հրապարակած տվյալների համաձայն, համաճարակի ընթացքում Արեւմտյան Աֆրիկայում վտանգավոր հիվանդությունից մահացել Է ընդհանուր առմամբ 11 հազար 283 մարդ, վարակվել են 27 հազար 929 բնակիչներ: Հիվանդության դեպքեր են գրանցվել նաեւ Մալիում, Նիգերիայում, Սենեգալում, Իտալիայում, Իսպանիայում, Մեծ Բրիտանիայում եւ ԱՄՆ-ում: Այդուհանդերձ, այդ երկրների մեծ մասում վարակված մարդկանց թիվը չի գերազանցում 10-ը: Բացառություն Է կազմում Նիգերիան, որտեղ Էբոլայով վարակվել Է 20 մարդ, եւ ութը մահացել են:
ԱՀԿ-ում մեծ հույսեր են կապում Էբոլայի դեմ պատվաստանյութի մշակման հետ: Գվինեայում ուսումնասիրությունների ընթացքում ստացված նախնական տվյալները վկայում են նրա «բարձր արդյունավետության» մասին, հուլիսի 31-ին հայտարարել Է կազմակերպությունը: Խոսքը Merck, Sharp & Dohme միջազգային գիտահետազոտական դեղագործական ընկերության (կենտրոնակայանը՝ ԱՄՆ-ում) VSV-EBOV պատվաստանյութի մասին Է: «Դա բացառիկ խոստումնալից իրադարձություն Է»,-նշել Է ԱՀԿ-ի գլխավոր տնօրեն Մարգարետ Չենը:
Կազմակերպության տվյալների համաձայն՝ փորձարկումների ընթացքում պատվաստանյութը «100 տոկոսով ցույց Է տալիս իր արդյունավետությունը մարդկանց վրա», հաղորդել Է ՏԱՍՍ-ը:
