Ճապոնիայում տարրական դպրոցում պայթյուն է տեղի ունեցել: Ըստ նախնական տվյալների՝ վիրավորվել է առնվազն վեց մարդ, այդ թվում՝ երկու երեխա: Նրանցից չորսը շտապ հոսպիտալացվել է, տեղեկացնում է РЕН ТВ-ն:

Տեղացի լրագրողները հաղորդում են, որ պայթյունը տեղի է ունեցել խոհանոցում: Ներկայումս ստույգ պատճառը հայտնի չէ, սակայն այդ օրը դպրոցում անցկացվում էին միջատների ոչնչացմանն ուղղված աշխատանքներ:

Ոստիկանությունը պարզում է դեպքի հանգամանքները: Տեղում աշխատում են հրշեջներն ու փրկարարները: