«Mediamall.am» լրատվականն ամփոփում է անցնող օրը.
Հակառակորդի կրակոցից Բաղանիսում բեռնատար է վնասվել
ՀՀ զինված ուժերի սահմանապահ ստորաբաժանումները լռեցրել են հակառակորդի կրակը միջպետական ճանապարհի Տավուշի մարզի սահմանամերձ Բաղանիս գյուղի հատվածի վրա այն բանից հետո, երբ նոյեմբերի 5-ին, ժամը 16.30-ի սահմաններում ադրբեջանական զինուժի կողմից խրադադարի խախտման արդյունքում գնդակոծությունից տուժել է արտասահմանյան մեծ բեռնատար. մեքենայի անիվներից մեկը ծակվել է, բեռնատարն այլ վնասներ է կրել:
Ինչպես Mediamall.am-ը տեղեկացավ ՀՀ պաշտպանության նախարարության տեղեկատվության եւ հասարակայնության հետ կապերի վարչությունից, այս պահին սահմանի այդ հատվածում իրավիճակը հանգիստ է և վերահսկվում է ՀՀ ԶՈՒ կողմից:
Միջպետական ավտոճանապարհի Բաղանիսի հատվածն այս պահին փակ է, այնտեղ աշխատում են ՀՀ ոստիկանության խմբերը:
***
Մոսկվա-Երևան ավտոբուսի վթարը տեղի է ունեցել ղեկին քնած վարորդի պատճառով. ՌԴ ՆԳՆ
Տուլայի մարզում Մոսկվա-Երևան ավտոբուսի վթարը, որի հետևանքով զոհվել է Հայաստանի ութ քաղաքացի, տեղի է ունեցել ղեկին քնած վարորդի պատճառով: Այս մասին նոյեմբերի 5-ին հայտնել է ՌԴ ՆԳ փոխնախարար, քննչական դեպարտամենտի պետ Ալեքսանդր Սավենկովը. փոխանցում է ՌԻԱ «Նովոստին»։
«Վթարի ռիսկերի պատճառներից մեկը ուղևորա և բեռնափոխադրումների ոլորտում վարորդների կողմից աշխատանքի և հանգստի ռեժիմի խախտումն է։ Անգամ եթե դիտարկենք վերջին օրերի դեպքերը, ապա Տուլայի մարզում Հայաստանի Հանրապետություն ուղևորվող ավտոբուսի մեծ վթարը տեղի է ունեցել նույն պատճառով. վարորդը պարզապես քնել է ղեկին»,- ասել է նա՝ ելույթ ունենալով ՌԴ Պետդումայի անվտանգության և կոռուպցիայի հակազդեցության հանձնաժողովի լսումներում:
Հիշեցնենք՝ նոյեմբերի 3-ի գիշերը Տուլայի մարզում Մոսկվա-Երևան ուղևորվող ավտոբուսը վթարի է ենթարկվել: Վթարի հետևանքով զոհվել է 8 մարդ, տուժել՝ 48-ը, որոնցից 11-ը գտնվում է վերակենդանացման բաժանմունքում:
***
Մոսկվա-Երևան ավտոբուսի վթարը տեղի է ունեցել ղեկին քնած վարորդի պատճառով. ՌԴ ՆԳՆ
Տուլայի մարզում Մոսկվա-Երևան ավտոբուսի վթարը, որի հետևանքով զոհվել է Հայաստանի ութ քաղաքացի, տեղի է ունեցել ղեկին քնած վարորդի պատճառով: Այս մասին նոյեմբերի 5-ին հայտնել է ՌԴ ՆԳ փոխնախարար, քննչական դեպարտամենտի պետ Ալեքսանդր Սավենկովը. փոխանցում է ՌԻԱ «Նովոստին»։
«Վթարի ռիսկերի պատճառներից մեկը ուղևորա և բեռնափոխադրումների ոլորտում վարորդների կողմից աշխատանքի և հանգստի ռեժիմի խախտումն է։ Անգամ եթե դիտարկենք վերջին օրերի դեպքերը, ապա Տուլայի մարզում Հայաստանի Հանրապետություն ուղևորվող ավտոբուսի մեծ վթարը տեղի է ունեցել նույն պատճառով. վարորդը պարզապես քնել է ղեկին»,- ասել է նա՝ ելույթ ունենալով ՌԴ Պետդումայի անվտանգության և կոռուպցիայի հակազդեցության հանձնաժողովի լսումներում:
Հիշեցնենք՝ նոյեմբերի 3-ի գիշերը Տուլայի մարզում Մոսկվա-Երևան ուղևորվող ավտոբուսը վթարի է ենթարկվել: Վթարի հետևանքով զոհվել է 8 մարդ, տուժել՝ 48-ը, որոնցից 11-ը գտնվում է վերակենդանացման բաժանմունքում:
***
Սա օրիորդաց վարժարան չէ, որ ինչ-որ բանից նեղանան և չգան. պատգամավորներին մտահոգում է Կարեն Անդրեասյանի բացակայությունն ԱԺ-ում
Ազգային ժողովում ՀՀ 2016 թ. պետական բյուջեի նախագծի քննարկման ժամանակ պատգամավոները մտահոգություն հայտնեցին, որ քննարկմանը չի ներկայացել ՀՀ մարդու իրավունքների պաշտպանը:
ԱԺ մարդու իրավունքների պաշտպանության և հանրային հարցերի մշտական հանձնաժողովի անդամ Ալեքսանդր Արզումանյանը, դիմելով ՄԻՊ գրասենյակի աշխատակազմի ղեկավար Տիգրան Արեյանին, նշեց, որ բյուջեի քննարկումների ընթացքում Ազգային ժողով պետք է ներկայանա համապատասխան գերատեսչության ղեկավարը: «Ես պետք է նշեմ, որ մեր հանձնաժողովը միշտ կարևորել է Մարդու իրավունքների պաշտպանի գրասենյակի հետ համագործակցությունը: Մենք միշտ բարյացակամ վերաբերմունք ենք ունեցել Մարդու իրավունքների պաշտպանի գրասենյակի նկատմամբ, աջակցել ենք տարբեր հարցերում, մասնակցել ենք նրա հրավիրած բոլոր քննարկումներին: Պետք է նշեմ, որ ձեզ էլ պետք է Ազգային ժողովը, որպեսզի լրացնեք այն օրենսդրական բացերը, որ կան մարդու իրավունքների պաշտպանության ոլորտում: Եվ այս առումով մենք կարևորում ենք, որպեսզի նման կարևոր քննարկումներին ներկայանա Մարդու իրավունքների պաշտպանը: Սա օրիորդաց վարժարան չէ, որ ինչ-որ բանից նեղանան և չգան: Ես խնդրում եմ փոխանցեք, որ տարվա մեջ այդ երեք անգամը, որ Մարդու իրավունքների պաշտպանը պետք է ներկայանա, Ազգային ժողով, թող ինքն անձամբ գա: Հակառակ դեպքում, ստացվում է, որ դուք չեք հարգում Ազգային ժողովը»,- ասաց Արզումանյանը:
Ալեքսանդր Արզումանյանի մտահոգությանը միացավ նաև ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանը: «Ես կարծում եմ, որ Մարդու իրավունքների պաշտպանի գրասենյակի հետ մեր համագործակցությունը պետք է լինի պատշաճ մակարդակի, իսկ այս քննարկմանը Մարդու իրավունքների պաշտպանի բացակայությունը մտածելու տեղիք է տալիս՝ արդյոք այդ համագործակցությունը պատշա՞ճ մակարդակի վրա է: Ես պետք է ասեմ, որ նիստից առաջ մենք համաձայնություն ձեռք չենք բերել, որ Կարեն Անդրեասյանն այս նիստին չի մասնակցելու: Մենք պահանջում ենք հարգանք Ազգային ժողովի նկատմամբ, և դա վերաբերում է բոլոր գերատեսչությունների ղեկավարներին»,- եզրափակեց Վարդանյանը:
ՀՀ մարդու իրավունքների պաշտպանի գրասենյակի աշխատակազմի ղեկավար Տիգրան Արեյանը պատասխանեց, որ քննարկմանը ինքն է ներկայացել, քանի որ քննարկվելու են ֆինանսատնտեսական հարցեր: «Քանի որ քննարկվելու էին ֆինանսատնտեսական հարցեր, որոշում է կայացվել, որ ես ներկայանամ այս քննարկմանը: Խնդրում եմ Մարդու իրավունքների պաշտպանի բացակայությունը մի որակեք որպես Ազգային ժողովի նկատմամբ հարգանքի բացակայություն: Մեր աշխատակազմը խոր հարգանք է տածում Ազգային ժողովի նկատմամբ և մեծապես կարևորում է օրենսդիրի հետ համագործակցությունը»,- ընդգծեց Արեյանը:
