ffa.am  Նոյեմբերի 14-ին «Դինամո» մարզադահլիճում տեղի ունեցավ ֆուտզալի Հայաստանի 2014/2015 թթ. առաջնության մրցանակակիրների պարգևատրման հանդիսավոր արարողությունը: Հայաստանի ֆուտբոլի ֆեդերացիայի գործկոմի անդամ, ՀՖՖ ֆուտզալի և կանանց ֆուտբոլի կոմիտեի նախագահ Սուքիաս Ավետիսյանի ողջույնի խոսքից հետո, բրոնզե և արծաթե մեդալներով պարգևատրվեցին համապատասխանաբար «Գյումրի» և «Թալգրիգ» թիմերի ֆուտբոլիստներն ու մարզչական կազմը: Մրցանակները և պատվոգրերը հանձնեց ՀՖՖ ֆուտզալի և կանանց ֆուտբոլի բաժանմունքի պետ Խորեն Զարգարյանը:
Ոսկե մեդալներով, ՀՖՖ պատվոգրերով և չեմպիոնական գավաթով պարգևատրվեց 2014-2015թթ, Հայաստանի չեմպիոն ՀՊՏՀ թիմը: Չեմպիոնական գավաթը Հայաստանի Պետական Տնտեսագիտական Համալսրանաի ռեկտոր Կորյուն Աթոյանին հանձնեց ՀՖՖ ֆուտզալի և կանանց ֆուտբոլի կոմիտեի նախագահ Սուքիաս Ավետիսյանը: Լավագույն ռմբարկուի մրցանակը՝ «Ոսկե խաղակոշիկը», պատվոգիրը և դրամական պարգևը ՀՊՏՀ թիմի ֆուտբոլիստ Անդրանիկ Կարապետյանին հանձնեց Հայաստանի ֆուտզալի ազգային հավաքականի գլխավոր մարզիչ Ռուբեն Նազարեթյանը:
Բացի մրցանակներից Հայաստանի ֆուտզալի 2015-2016թթ. առաջնության մասնակից թիմերը ստացան մարզահագուստ, ժիլետներ և գնդակներ: