«Իսլամական պետություն» ծայրահեղական կազմակերպության գրոհայինները սպառնում են ահաբեկչական գործողություններ իրականացնել Նյու Յորքում: Այս մասին հաղորդում է CNN հեռուստաալիքը՝ հղում անելով տեսանյութին, որը, ենթադրաբար նկարահանել են ահաբեկիչները:
Տեսանյութում երևում է մի տղամարդ, որի դեմքը ծածկված է: Նա բաճկոնի տակ պայթուցիկ սարք է թաքցնում:
Հեռուստաալիքը նշում է, որ ամենայն հավանականությամբ, խոսքը վերաբերում է մահապարտ ահաբեկչի, որը ահաբեկչություն է խատրաստում իրականացնել Նյու Յորքի մարդաշատ վայրերից մեկում:
Ավելի վաղ հաղորդվում էր, որ զինյալները ծրագրում են ահաբեկչություն իրականացնել Վաշինգտոնում:
