Իրանի սահմանային զորքերի հրամանատար Գասիմ Ռզաին այսօր ժամանում է Ադրբեջան:
Այս մասին, ինչպես հաղորդում է «Արմենպրես»-ը, հայտնում է interpress.az լրատվական կայքը' հղում կատարելով Բաքվում Իրանի դեսպանատանը:
Նշվում է, որ Ռզաիի եռօրյա այցը Բաքու իրագործվում է Ադրբեջանի պետական սահմանային ծառայության ղեկավար Էլչին Գուլիեւի հրավերով:
Գասիմ Ռզաին Բաքվում երկկողմանի հանդիպումներն զուգահեռ պետք է մասնակցի Իրանի, Ռուսաստանի եւ Ադրբեջանի սահմանային զորքերի հրամանատարությունների եռակողմ հանդիպմանը:
Հանդիպումներում պետք է քննարկվեն սահմանային անվտանգության, թմրանյութերի մաքսանենգության դեմ համատեղ պայքարի, սահմանների պահպանության եւ այլ հարցեր:
