«Ծառուկյան» դաշինքի առաջնորդ Գագիկ Ծառուկյանի ցավակցական խոսքը՝ Արթուր Սարգսյանի անժամանակ մահվան վերաբերյալ.
«Սրտի ցավով տեղեկացա Արթուր Սարգսյանի՝ «Հաց բերող»-ի անժամանակ մահվան մասին: Սա, իսկապես, մեծ ողբերգություն էր բոլորի համար, անկախ նրանից՝ մարդիկ անձամբ ճանաչում էին Արթուրին, թե` ոչ:
Ի նշան հարգանքի, իմ հանձնարարությամբ այսօր օրվա երկրորդ կեսին և վաղն ամբողջ օրը «Ծառուկյան» դաշինքը դադարեցնում է քարոզարշավը:
Մենք խորապես սգում ենք Արթուրի մահը:
Իմ ցավակցությունն ու զորակցությունն եմ հայտնում Արթուր Սարգսյանի ընտանիքի անդամներին, հարազատներին»:
Հիշեցնենք, որ Արթուր Սարգսյանի մահվան կապակցությամբ հայտարարությամբ և կոչով հանդես է եկել նաև «Միասնություն» համազգային շարժման ղեկավար Արման Վարդանյանը:
Արման Վարդանյանը կոչ է արել քաղաքական ուժերին և ԶԼՄ ներկայացուցիչներին վաղը դադարեցնել քարոզարշավն ու հարգանքի տուրք մատուցել Արթուր Սարգսյանի հիշատակին:
