Այսօր Հելսինկիում մեկնարկեց գեղասահքի աշխարհի առաջնությունը: 

Ֆինլանդիայի մայրաքաղաքում սառույցն առաջինը տրամադրվեց մենասահորդուհիներին: 37 մասնակիցների մեջ Հայաստանը ներկայացնում է Անաստասիա Գալուստյանը: Այս մասին տեղեկացնում է ՀԱՕԿ-ի կայքը:

Հայ գեղասահորդուհին, կարճ ծրագրում վաստակեց 55.20 միավոր եւ տեղ ապահովեց եզրափակչում, որտեղ մարտի 31-ին, կամավոր ծրագրում հանդես կգան 24 լավագույնները: