Կառավարության այսօրվա նիստի ավարտին վարչապետ Կարեն Կարապետյանը շնորհակալություն հայտնեց Արդարադատության նախարար Արփինե Հովհաննիսյանին և հայտարարեց, որ վերջինս ազատվում է զբաղեցրած պաշտոնից:
«Ամենայն բարիք Ձեզ և այն արդյունավետությունը, որը ցուցաբարել եք կառավարության աշխատակազմում, ցուցաբերեք նաև Ազգային ժողովում: Շնորհակալություն Ձեզ, չափազանց շատ»,- ասաց Կարապետյանը:
Արփինե Հովհաննիսյանն էլ իր հերթին շնորհակալություն հայտնեց գործադիրի անդամներին. «Ձեզ և իմ գործընկերներին մաղթում եմ արդյունավետ աշխատանք»:
Վարչապետն ու գործադիրի մյուս անդամները ծափահարություններով հրաժեշտ տվեցին Արդարադատության նախարարին:
