Ռուսական «ԻԼ-76» ինքնաթիռը ժամը 13:00-ի սահմաններում իրականացնում է հրդեհաշիջող 3-րդ թռիչքը Խոսրովի պետական արգելոցի տարածքում: Ինչպես տեղեկացրին Արտակարգ իրավիճակների նախարարությունից, ժամը 12:00-ի սահմաններում ՀՀ և ՌԴ ԱԻ նախարարությունների մասնագետներից կազմված խումբն ուղղաթիռով հետախուզական թռիչք  իրականացրեց Խոսրովի պետական արգելոցի տարածքում՝ գնահատելու համար առաջին 2 հրդեհաշիջող թռիչքների արդյունքը և որոշելու համար ջրալցման հաջորդ թիրախները:

ՌԴ ԱԻՆ «ԻԼ-76» ինքնաթիռը 3-րդ թռիչքն իրականացնելու համար ջրատարների օգնությամբ լիցքավորվել է  Երևանի «Էրեբունի» օդանավակայանում: