Թուրքական դատախազությունը պահանջել է «Amnesty International» միջազգային իրավապաշտպան կազմակերպության ակտիվիստներին դատապարտել 15 տարվա ազատազրկման: Այս մասին հայտնում է «DHA» լրատվական գործակալությունը: Նշվում է, որ նրանք մեղադրվում են ահաբեկչական կազմակերպության անդամակցության մեջ: Ընդհանուր առմամբ ներկայումս Թուրքիայում «Amnesty International»-ի 11 ակտիվիստներ հայտնվել են ամբաստանյալի աթոռին: Ձերբակալվածների մեջ է նաեւ Թուրքիայում «Amnesty International» կազմակերպության տնօրեն Իդիլ Էսերը: Թեեւ կազմակերպությունը բազմիցս է պահանջել ազատ արձակել Էսերին եւ նրա կողմնակիցներին, սակայն Թուրքիայի նախագահ Ռ. Թ. Էրդողանը հայտարարել է, որ նրանք նոր ռազմական հեղաշրջում են կազմակերպել երկրում վկայակոչելով իր հետախուզության փոխանցած տվյալները: