Այսօր՝ հունվարի 14-ին, արտակարգ դեպք է տեղի ունեցել Երևանում: Ժամը 04:50-ի սահմաններում Արտակարգ իրավիճակների նախարարության փրկարար ծառայության օպերատիվ կառավարան կենտրոն ահազանգ է ստացվել, որ հրդեհ է բռնկվել Էրեբունի վարչական շրջանի Խաղաղ Դոնի թիվ 23 շենքի հարևանությամբ կայանված Nissan March մակնիշի ավտոմեքենայում, որի հարևանությամբ էլ տեղադրված է գազի հաշվիչ:
Shamshyan.com-ի տեղեկություններով, դեպքի վայր են ժամանել թիվ 3-րդ և 2-րդ հրշեջ-փրկարարական ջոկատները՝ մեկական մարտական հաշվարկով, ովքեր մարել են Nissan March մակնիշի 71 VX 177 համարանիշի ավտոոմեքենայում առաջացած հրդեհը:
Ավտոմեքենան, որը պատկանում է Խաղաղ Դոնի փողոցի բնակիչ Ռուզաննա Շահվերդյանին, ամբողջովին վերածվել է մոխրակույտի:
Թե ինչն է եղել ավտոմեքենայում առաջացած հրդեհի պատճառը՝ պարզվում է:
