Սիցիլիայի Մաֆիայի դեմ պայքարի վարչությունը դեկտեմբերի 4-ի առավոտյան իրականացրել Է ընդգրկուն հատուկ գործողություն, որի ընթացքում ձերբակալվել են «Կոզա նոստրայի» 46 անդամներ, այդ թվում՝ գանգստերական սինդիկատի ենթադրյալ պարագլուխը՝ Սետիմինո Մինեոն: Այդ մասին հայտնել են Պալերմոյի հետաքննչական մարմինների ներկայացուցիչները: Հետաքննության տվյալներով՝ հենց 80 ամյա այդ «ոսկերիչն» Է ցմահ բանտարկության դատապարտված մաֆիայի պարագլուխ Տոտո Ռիինայի՝ 2017 թվականի նոյեմբերին մահվանից հետո «Կոզա նոստրայի» մյուս բոսսերից լիազորություններ ստացել Պալերմոյում ղեկավարելու լեգենդար հանցավոր կազմակերպությունը:

Ձերբակալությունները կատարվել են Պալերմոյի կարաբինավորների հատուկ ստորաբաժանման կողմից երկարատեւ հետաքննության արդյունքներով: Բոլոր ձերբակալվածներին մեղադրանքներ են ներկայացված մաֆիական գործունեությանը մասնակցելու, դրամաշորթության, անօրինականորեն զենք կրելու եւ մի շարք այլ ծանր հանցագործությունների համար, հաղորդել Է ՌԻԱ Նովոստին: