Կոտայքի մարզում, մարտի 26-ին արտակարգ դեպք է տեղի ունեցել. ժամը 13։30-ի սահմաններում Ճանապարհային ոստիկանության աշխատակիցը ծառայության ժամանակ նկատել է, որ Երեւան-Սեւան ավտոճանապարհի Կոտայքի մարզի վարչական տարածքում դեպի Երեւան ընթանալիս, մարդատար «Գազել» մակնիշի 3640 Լ համարանիշի ավտոմեքենայում կրակ է բռնկվել:

Shamshyan.com-ի  փոխանցմամբ, ՃՈ աշխատակիցը կանգնեցրել է «Գազելը» ու իր գործընկերների ու վարորդի հետ մարել կրակը։

Աղբյուրի տեղեկություներով՝ բարեբախտաբար զոհեր եւ վիրավորներ չկան։ Իսկ նշված մարդատար «Գազելը» սպասարկում է Երեւան-Սեւան երթուղին։