Քիչ առաջ «Երկրապահ» կամավորականների միության կենտրոնական գրասենյակում ավարտվեց ԵԿՄ վարչության փակ նիստը: Այս մասինԼՈւՐԵՐ․com—ին տեղեկացրին ԵԿՄ լրատվության և հանրության հետ կապերի բաժնից։

Վարչության նիստը որոշեց  ապրիլի 7-ին՝ ժամը 12:00-ին, Կառավարության նիստերի դահլիճում հրավիրել ԵԿՄ 12-րդ արտահերթ համագումար: Համագումարի օրակարգում կընդգրկվեն հետևյալ հարցերը՝  ՀՀ Երկրապահ կամավորականների միության վարչության և վարչության նախագահի ընտրություններ, ՀՀ Երկրապահ կամավորականների միության վերստուգիչ հանձնաժողովի ընտրություններ, ՀՀ ԵԿՄ 12-րդ արտահերթ համագումարի հայտարարություն:

Լրագրողների հետ զրույցում Սասուն Միքայելյանը հայտնել է, որ վարչապետ Նիկոլ Փաշինյանը հրավիրված է համագումարին, սակայն այս պահին հայտնի չէ՝ ներկա կլինի՞, թե՞ ոչ:

ԵԿՄ-ից տեղեկացրին, որ նիստից անմիջապես հետո ԵԿՄ անդամները շտապել են Պանթեոն՝ հարգանքի տուրք մատուցելու Ապրիլյան պատերազմի զոհերի հիշատակին։