«GALLUP International association»-ի իրականացված հարցումների մասնակիցների մեծամասնությունն առաջիկա մեկ տարվա ընթացքում կառավարությունից թոշակների և աշխատավարձերի բարձրացում ու հարկերի նվազեցում է ակնկալում: Այս մասին մայիսի 22-ին տեղի ունեցած մամուլի ասուլիսի ընթացքում ասաց «GALLUP International association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը:
«Քաղաքացիներին խնդրել ենք ասել, թե ինչ տնտեսական սպասումներ ունեն ՀՀ կառավարությունից առաջիկա մեկ տարվա ընթացքում: 31,3%-ը նշել է` կառավարությունը կբարձրացնի թոշակները, աշխատավարձերը, կնվազեցնի հարկերը, 28,3%-ը` կառավարությունը բոլոր տնտեսվարողներին կբերի օրենքի դաշտ, իսկ 23,7%-ը, որ կառավարությունը շոշափելի քայլեր իրականացնելով ունակ կլինի բարելավել ՀՀ տնտեսության վիճակը»,- ասաց Նավասարդյանը:
Հետազոտությունը Հայաստանում իրականացվել է ապրիլի 30-ից մայիսի 9-ն ընկած ժամանակահատվածում: Հարցումներին մասնակցել է 1108 քաղաքացի:
