Սաուդյան Արաբիայում թագավորական ընտանիքի 150 անդամ վարակվել է կորոնավիրուսով, այսօր հայտնել է թագավորական ընտանիքին մոտ կանգնած աղբյուրը The New York Times-ին:
Թագավորական ընտանիքին սպասարկող Քինգ Ֆիզալ հիվանդանոցն արդեն պատրաստել է 500 VIP տեղ: Միևնույն ժամանակ, արքայազններից մեկը, ով Ռիադի նահանգապետն է, այժմ գտնվում է վերակենդանացման բաժանմունքում:
Նշվում է, որ 84-ամյա Սալման թագավորը ինքնամեկուսացված է Ռեդդայի մերձակայքում գտնվող Կարմիր ծովի մի կղզու պալատում: Թագաժառանգ Մուհամմադ իբն Սալման ալ Սաուդը և նրա նախարարները նույնպես մեկուսացման մեջ են:
Համաճարակի պատճառով Սաուդյան Արաբիայի բոլոր խոշոր քաղաքները գտնվում են խիստ կարանտինում: Թույլատրվում է միայն ուղևորություններ դեպի խանութ կամ բժշկական օգնության: Ընդհանուր առմամբ, երկրում արդեն գրանցվել է կորոնավիրուսից 41 մահ։ Հաստատված է 2,795 Covid-19֊ի դեպք:
