Իրավապահները Բեռլինում կորոնավիրուսի սահմանափակումների դեմ ցույցի ժամանակ ձերբակալել են ավելի քան 300 մարդու, գրում է ՏԱՍՍ֊ը։ «Թիվը դեռ վերջնական չէ, բայց տեղական անկարգությունների ժամանակ ավելի քան 300 մարդ ժամանակավորապես բերման է ենթարկվել», - ասել է Բեռլինի ոստիկանության մամուլի խոսնակը: «Ակցիաներին մասնակցել է ավելի քան 38 հազար մարդ։ Այս թիվը նույնպես վերջնական չէ», - հավելել է նա։ Նա չի կարողացել ասել, թե քանի ոստիկան է վիրավորվել անկարգությունների ժամանակ: Հիշեցնենք, որ նախօրեին Գերմանիայի մայրաքաղաք Բեռլինում լայնածավալ բողոքի ցույց է անցկացվել՝ ընդդեմ կորոնավիրուսային սահմանափակումների։ Ցուցարարները կարծում են, որ հակակորոնավիրուսային միջոցները սահմանափակում են ազատությունը և պահանջում են չեղարկել դրանք:
