Ռուսաստանի Դաշնության նախագահ Վլադիմիր Պուտինը ամեն ինչ անում է Լեռնային Ղարաբաղում պատերազմը դադարեցնելու և հակամարտության կարգավորման գործընթացը խաղաղ ընթացքի բերելու համար: Այս մասին լրագրողներին հայտնել է պետության ղեկավարի մամուլի քարտուղար Դմիտրի Պեսկովը: «Նախագահ Պուտինը ասաց, որ ինքը ամենօրյա կապի մեջ է ինչպես Ադրբեջանի նախագահ Իլհամ Ալիևի, այնպես էլ ՀՀ վարչապետ Նիկոլ Փաշինյանի հետ: Ես կարող եմ միայն մեկ անգամ ևս կրկնել, որ Ռուսաստանի ղեկավարն անում է ամեն ինչ պատերազմը դադարեցնելու և ղարաբաղյան հակամարտության կարգավորման գործընթացը խաղաղ ուղի բերելու համար», - ասել է Պեսկովը:
