Հոկտեմբերի 19-ին՝ ժամը 19.20-ի սահմաններում, Դիլիջանում «Միցուբիշի Պաջերո» մակնիշի ավտոմեքենայի վարորդը վրաերթի էր ենթարկել 12-ամյա աղջկա, որը մարմնական վնասվածքներով տեղափոխվել էր հիվանդանոց:

Ոստիկանությունից հայտնում են, որ հոկտեմբերի 20-ին ոստիկանության Դիլիջանի բաժնում հաղորդում է ստացվել, որ հոկտեմբերի 19-ին ժամը 23.20-ի սահմաններում «Ձախ ոտքի ծնկան շրջանում վնասվածք» ախտորոշմամբ հիվանդանոց է տեղափոխվել 40-ամյա մի կին, որը հայտնել է, որ վնասվածքը ստացել է նույն պատահարի ժամանակ: