ՄԱԿ-ը կոչ է անում ԱՄՆ-ին չեղարկել կամ սառեցնել Թեհրանի դեմ պատժամիջոցները՝ Իրանի միջուկային ծրագրի վերաբերյալ Գործողությունների համատեղ համապարփակ ծրագրի շրջանակներում: ՄԱԿ-ի Անվտանգության խորհրդի նիստում այսպիսի հայտարարություն է արել ՄԱԿ-ի գլխավոր քարտուղարի քաղաքական և խաղաղության ամրապնդման հարցերով տեղակալ Ռոզմարի Դիկարլոն։ Այս մասին հաղորդում է ՏԱՍՍ-ը:

«[Համաշխարհային կազմակերպության] գլխավոր քարտուղար Անտոնիո Գուտերեշի հետ միասին կոչ եմ անում Միացյալ Նահանգներին չեղարկել կամ սառեցնել ԳՀՀԾ-ով նախատեսված պատժամիջոցները և երկարաձգել Իրանի հետ նավթի առևտրի հետ կապված պատժամիջոցների բացառությունների ժամկետը»,- ասել է նա։