Հայաստանի վարչապետ Նիկոլ Փաշինյանը Ռուսաստանի նախագահ Վլադիմիր Պուտինին հրավիրել է այցելել Երևան։

Այցը կիրականացվի 2022 թվականի երկրորդ կեսին կայանալիք ՀԱՊԿ գագաթնաժողովի հետ համատեղ։ Այս մասին ասված է Մոսկվայում Պուտինի և Փաշինյանի բանակցություններից հետո ընդունված համատեղ հայտարարության մեջ։

«Ն.Վ.Փաշինյանը երախտագիտություն է հայտնել Վ.Վ.Պուտինի կողմից ջերմ ընդունելության համար և հաստատել իր հրավերը Ռուսաստանի ղեկավարին՝ 2022 թվականի երկրորդ կեսին ՀԱՊԿ Հավաքական անվտանգության խորհրդի նստաշրջանի կապակցությամբ այցելելու Երևան։ Հրավերն ընդունվել է երախտագիտությամբ»,- ասվում է հայտարարության մեջ։

Հիշեցնենք, որ Պուտինն ու Փաշինյանը պայմանավորվել են «արագացնել հայ-ադրբեջանական սահմանի սահմանագծման և անվտանգության հարցերի երկկողմ հանձնաժողովի ստեղծումը՝ Ռուսաստանի Դաշնության խորհրդատվական աջակցությամբ»: