Tert.am Քենիայի մայրաքաղաք Նայրոբիի առևտրի կենտրոնում «Աշ-Շաբաբ» խմբավորման կողմից իրականացված ահաբեկչության զոհերի թիվը հասել է 59-ի, հայտնում է gazeta.ru-ն' վկայակոչելով քենիական կառավարությունը:
Ավելի վաղ հաղորդվում էր 43 զոհի մասին:
Վիրավորվել է, ըստ վերջին տվյալների, 175 մարդ:
Ականատեսները հայտնում են շենքից լսվող նոր կրակոցների մասին:
Խմբավորման անդամների կողմից գրավված շենքը շրջափակված է ոստիկաններով և զինվորականներով:
Հիշեցնենք, որ ահաբեկիչները գրավել են առևտրի կենտրոնը և բաց թողել միայն այն մարդկանց, ովքեր արաբերեն են իմացել և տիրապետել են մուսուլմանական աղոթքներին:
