Այժմ աշխարհում հակամարտություն է ընթանում համամարդկային բազմամշակույթ քաղաքակրթության և գլոբալ ծայրահեղականության միջև, կարծում է «Նորավանք» գիտակրթական հիմնադրամի գործադիր տնօրեն Գագիկ Հարությունյանը։
«Ցավոք, այսօր մենք հանձին գլոբալ ծայրահեղականության ունենք աշխարհաքաղաքական նոր դերակատար»,- ասել է նա ՀԱՊԿ Վերլուծական ասոցիացիայի «ՀԱՊԿ-ը և Եվրասիայի անվտանգությունը» թեմայով հանրային զեկույցի շնորհանդեսի ժամանակ, որը տեղի էր ունենում Մոսկվա-Երևան հեռուստակամրջի ձևաչափով։
Փորձագետը միևնույն ժամանակ նշել է, որ գլոբալ ծայրահեղականությանն աջակցում են ոչ միայն արևելյան միապետությունները, այլև արևմտյան ազդեցիկ տերությունները։
Գ.Հարությունյանը նաև նշել է, որ այսօր աշխարհում առկա է գլոբալ դիմակայություն, որի հիմքում ընկած է ոչ թե նյութական ռեսուրսներին (նավթ, գազ և այլն) տիրանալը, այլ տեղի է ունենում «գոտեմարտ մարդկանց հոգիների համար»։
«Իզուր չէ, որ նոր սերնդի պատերազմների հիմնական խնդիրը հակառակորդի արժեհամակարգը ոչնչացնելն ու այնտեղ սեփական մշակութային-քաղաքակրթական կոդը ներդնելն է»,- ավելացրել է փորձագետը։
