«ՌեԱնիմանիա» 5-րդ միջազգային անիմացիոն կինոփառատոնի շրջանակներում հոկտեմբերի 29-ին, ժամը՝ 13:00-ին «Մոսկվա» կինոթատրոնում տեղի կունենա հանդիպում Ֆրանսիայի, Գերմանիայի և Շվեյցարիայի դեսպանների և տվյալ երկրները ներկայացնող անիմատորների հետ:
Կարևորելով և գնահատելով փառատոնի դերն ու նշանակությունը' արդեն 5-րդ տարին է այս երկրների ներկայացուցիչները ժամանում են Հայաստան' մասնակցելու «ՌեԱնիմանիա» փառատոնին:
Միջազգային անիմացիոն «ՌեԱնիմանիա» կինոփառատոնն այս տարի տոնում է իր հնգամյա հոբելյանը, որը համընկնում է հայ անիմացիոն արվեստի յոթանասունհինգ ամյակի հետ:
Այս տարին «ՌեԱնիմանիա» փառատոնի համար բացառիկ է նաև նրանով, որ այն ընդլայնում է իր սփռվածությունն: Նոյեմբերի 1-3-ը փառատոնը կանցկացվի նաև Լեռնային Ղարաբաղի հանրապետությունում:
«ՌեԱնիմանիա» միջազգային անիմացիոն կինոփառատոնն այս տարի անցկացվում է ՀՀ նախագահի աջակցությամբ:
