Այսօր՝ դեկտեմբերի 13-ին, արտակարգ դեպք է տեղի ունեցել Գեղարքունիքի մարզում: Ժամը 03:00-ի սահմաններում Վարդենիսի բժշկական կենտրոնից ոստիկանության Վարդենիսի բաժին ահազանգել են, որ գլխի մասում ստացած վնասվածքներից իրենց մոտ է տեղափոխվել նույն մարզի Ակունք գյուղի բնակիչ, 22-ամյա Հարություն Հայրապետյանը:
Ինչպես հայտնում է shamshyan.com-ը, հիվանդանոց է մեկնել ոստիկանության Վարդենիսի բաժնի օպերատիվ խումբը, որտեղ, սակայն, Հ. Հայրապետյանը մահացել է: Վերջինիս հարազատները ոստիկաններին հայտնել են, որ նա վնասվածքը ստացել է գյուղում վայր ընկնելու հետևանքով:
Ոստիկանության օպերատիվ քննչական խումբը մեկնել է նշված վայր, որտեղ, ըստ հարազատների՝ ընկել էր Հ. Հայրապետյանը: Այնտեղ հայտնաբերել են բերանքսիվայր ընկած նույն գյուղի բնակիչ, 39-ամյա Կամսար Հակոբյանի դին՝ հրազենային վնասվածքներով: Դիակից 10մ հեռավորության վրա օպերատիվ քննչական խումբը հայտնաբերել է АКС 74 ինքնաձիգի 5,45մմ տրամաչափի 8 հատ կրակված պարկուճ:
Ակունքցիները ֆոտոլրագրողի հետ զրույցում պատմում էին, որ երեկ գյուղում գյուղացիներից մեկի մահվան «յոթ»-ն էին նշում և արդեն կեսգիշերին ողջ գյուղում խոսում էին, որ ավտոմատով 2 հոգու սպանել են:
Մանրամասները` այստեղ:
