Շվեդիայի մայրաքաղաք Ստոկհոլմի Բոտ Շիրքա արվարձանային շրջանի խորհուրդը հավանություն է տվել Հայոց ցեղասպանության զոհերի հիշատակին նվիրված հուշարձան տեղադրելու առաջարկին: Այս մասին հայտնում է news.rambler.ru-ն:

Շվեդիայի սոցիալ-դեմոկրատները և ձախ կուսակցությունները միահամուռ պաշտպանում էին նախաձեռնությունը: Հուշարձանի կանգնեցման որոշման օգտին քվեարկել է 54 պատգամավոր, դեմ է քվեարկել ընդամենը 4 պատգամավոր:

Այսօր էլ Ստոկհոլմի ադրբեջանական և թուրքական համայնքները բողոքի ակցիա են անցկացրել այս որոշման դեմ: