Ինչպես հայտնում է itar-tass-ը, ԵԱՀԿ խորհրդարանական վեհաժողովի նախագահ Ռանկո Կիվոկապիչը Դոնեցկի և Լուգանսկի շրջանների ռուսամետ ուժերին կոչ է արել չեղյալ հայտարարել նախատեսված «հանրաքվեները»:
«Այն գաղափարը, որ այդ, այսպես կոչված, հանրաքվեի ժամանակ ազատ և արդար քվեարկություն կարող է տեղի ունենալ, անհեթեթություն է և ծայրահեղություն։ Միջազգային հանրության համար այդ հանրաքվեները լեգիտիմ լինել չեն կարող։ Ուկրաինայում բոլորը պետք է կենտրոնանան այն հարցի վրա, թե ինչպես իրենց ձայնը լսելի դարձնեն մայիսի 25-ին անցկացվելիք նախագահական ընտրություններին»,- ասված է հայտարարության մեջ:
