Գվինեայի մայրաքաղաք Կոնակրիից ոչ հեռու լողափին կայացած ռեպ-համերգի ժամանակ տեղի ունեցած հրմշտոցը հանգեցրել է 24 մարդու մահվան: Այս մասին, ինչպես տեղեկացնում է «Արմենպրես»-ը, հաղորդել Է Agence France-Presse-ը՝ վկայակոչելով տեղի հիվանդանոցի աշխատակցին:
Ողբերգությունը տեղի է ունեցել հուլիսի 29-ին Ռատոմա լողափին՝ տեղական Instinct Killers խմբի ելույթի ժամանակ: Բժիշկների տվյալներով՝ զոհվածներից 13-ն աղջիկներ են:
Նախագահի մամուլի ծառայությունը տարածել Է հայտարարություն՝ նշելով որ մշակութային միջոցառման ժամանակ ծավալված ողբերգությունը ցնցել Է բոլորին: Այս առնչությամբ երկրում հայտարարվել Է մեկշաբաթյա ազգային սուգ: Ոստիկանությունը պարզում է պատահարի պատճառները:
