Այսօր կառավարության հերթական նիստի ընթացքում կառավարության որոշմամբ՝ Արագածոտնի մարզպետ նշանակվեց Գաբրիել Գյոզալյանը, իսկ Շիրակի մարզպետ՝ Հովսեփ Սիմոնյանը:
Նշենք, որ այս նշանակումը պայմանավորված է ՀՀԿ-ՀՅԴ ստորագրված հուշագրով, ըստ որի Դաշնակցությանը տրվեց երեք նախարարական պորտֆել և մարզպետի երկու պաշտոն:
Նախագիծը ներկայացրեց Տարածքային կառավարման և զարգացման նորանշանակ նախարար Դավիթ Լոքյանը: Մինչ նախարարը ներկայացնում էր իր կուսակից մարզպետներին, վարչապետը հորդորեց Գաբրիել Գյոզալյանին կանգնել.
«Կանգնեք, կանգնեք, պարոն Գյոզալյան»,- ասաց վարչապետը և շնորհավորեց մարզպետ նշանակվելու կապակցությամբ: Հովիկ Աբրահամյանը Գաբրիել Գյոզալյանին մաղթեց բեղմնավոր աշխատանք: