Գյումրու քաղաքային ընտրություններում ՀՀԿ-ն դաշինք է կազմել իր արբանյակ ՀՔԴՄ-ի հետ:Դաշինքի անունը «Բալասանյան է»: Այո, չսխալվեցիք, դաշինքը կրում է Գյումրու գործող քաղաքապետի և քաղաքապետական նոր հայտ ներկայացրած Բալասանյանի ազգանունը:
ՀՀԿ-ն և Բալասանյանը փոխադարձաբար միմյանց անդառնալի վարկաբեկված են համարում:Բալասանյանը չուզեցավ հանրապետական դառնալ, ՀՀԿ-ն էլ չցանկացավ իր անունով առաջադրել և սատարել նրան:
ՀՀԿ-ն նաև իրեն ազատեց պատասխանատվությունից՝ ընտրվելու կամ ձախողվելու, լավ կամ վատ կառավարելու բեռը բարդելով Բալասանյանի ուսերին:
Բայց ամենազավեշտալին այն է, որ կառավարող կուսակցությունը ծաղրում է գյումրեցիներին: Մինչ այս պահը, Բալասանյանի անվան հետ է ասոցացվում նրան պատկանող Գյումրու գարեջրի գործարանը: Եթե Բալասանյան դաշինքը հաղթի ընտրություններում, Գյումրու քաղաքապետարանը և քաղաքն առհասարակ իջնում են գարեջրի գործարանի մակարդակին՝ նույնանալով կոնկրետ մարդու հետ:
Իշխանությունը գյումրեցիներին ծաղրել է, սպասենք նրանց պատասխանին...
Սարգիս Հակոբյան