ՀՀ արտակարգ իրավիճակների նախարարությունը տեղեկացնում է, որ նոյեմբերի 21-ի ժամը 21.00-ի դրությամբ ՀՀ տարածքում ավտոճանապարհներն անցանելի են:
Սիսիան քաղաքից Կապան տանող ավտոճանապարհին, Ստեփանավան-Օձուն ավտոճանապարհի 12-13-րդ կմ-ին տեղ-տեղ առկա է մերկասառույց, Տավուշի մարզի Բերդ և Դիլիջան քաղաքներում՝ մառախուղ:
Ինչպես տեղեկանում ենք ՀՀ արտակարգ իրավիճակների նախարարության պաշտոնական կայքից, Լոռու մարզի Ստեփանավան, Սյունիքի մարզի Քաջարան քաղաքներում տեղում է թույլ ձյուն:
Վրաստանի ՆԳՆ ԱԻ դեպարտամենտից ստացված տեղեկատվության համաձայն' Լարսի անցակետը բաց է բոլոր տեսակի ավտոմեքենաների համար:
