Պենտագոնի ղեկավար Չակ Հեյգելը հայտարարել է, որ «Իսլամական պետություն» ահաբեկչական խմբավորումը իրական վտանգ է աշխարհի համար և շատ պետությունների համար գլխավոր խնդիրներից մեկը: Այս մասին հայտնել է ՌԻԱ Նովոստին:
«Մենք երբեք չենք բախվել նման կազմակերպության հետ, ինչպիսին ԻՊ-ն է, որն այդքան լավ կազմակերպված, ֆինանսապես ապահոված և այդքան դաժան ու անգութ է»,-ասել է Հեյգելը:
Նրա կարծիքով՝ «Իսլամական պետությունը» սպառնալիք է ամբողջ աշխարհի համար: Նա նաև ընդգծել է, որ Մերձավոր Արևելքում չկա մի երկիր, և Իրանը բացառություն չէ, որը ԻՊ-ը սպառնալիք չի համարում:
